आमदार किशोर जोरगेवार यांनी अधिवेशनात उपस्थित केला प्रश्न

चंद्रपूर : हिवाळी अधिवेशनाच्या चौथ्या दिवशी आज सोमवारी सभागृहात बोलतांना आमदार किशोर जोरगेवार यांनी आरोग्य व्यवस्थेबाबत विविध प्रश्न उपस्थित करत सभागृहाचे लक्ष वेधले. तसेच यावेळी आमदार किशोर जोरगेवार यांनी डेरा आंदोलनातील कंत्राटी कर्मचाऱ्यांची व्यथाही सभागृहा समोर मांडत त्यांचे वेतन कधी देणार असा प्रश्न उपस्थित केला.
मुंबई येथे हिवाळी अधिवेशन सुरु आहे. आज अधिवेशनचा चौथा दिवस आहे. आज प्रश्न उत्तरांच्या तासाला बोलतांना चंद्रपूर विधानसभा क्षेत्राचे अपक्ष आमदार किशोर जोरगेवार यांनी आरोग्य व्यवस्थेच्या दुरावस्थेबद्दल प्रश्न उपस्थित केले. यावेळी आमदार किशोर जोरगेवार यांनी शासकीय वैद्यकीय महाविद्यालय, रुग्णालयात वांरवार होत असलेल्या औषधसाठाच्या तुरटवड्याबद्दल प्रश्न उपस्थित केला. मेडिकल कॉलेजच्या बांधकामात प्रलंब होत असल्याने रुग्णांची मोठी गैरसोय होत आहे. 300 खाटांचे जिल्हा सामान्य रुग्णालय आणि 100 खाटांचे महिला रुग्णालय मेडिकल कॉलेजमध्ये संलग्न करण्यात आले आहे. त्यामूळे रुग्णांची मोठी गैरसोय होत आहे. हे मेडिकल कॉलेज कधी सुरु होणार आहे. असा प्रश्नही त्यांनी यावेळी उपस्थित केला, तसेच यावेळी बोलतांना त्यांनी कोविड काळात रुग्ण सेवा देणा-या कंत्राटी कामगारांच्या वेतनाचा प्रश्नही उपस्थित केला. येथील कंत्राटी कामगार वेतन न मिळाल्यामूळे मागील अनेक महिण्यांपासून आंदोलन करत आहे. मात्र अद्यापही त्यांच्या आदोलनाची दखल घेण्यात आलेली नाही.

कोरोनाच्या महामारीत स्वत:च्या जिवाची पर्वा न करता रुग्णसेवा देणा-या कर्मचाऱ्यांना हक्काच्या वेतनासाठी आंदोलनाची वेळ येणे दुर्दैव असल्याचे आमदार किशोर जोरगेवार यांनी म्हटले असून या कर्मचा-र्यांचे वेतन कधी देता असा प्रश्न अधिवेशनात बोलतांना उपस्थित केला आहे. यावर आरोग्यमंत्री यांनी उत्तर देत याबाबत लवकरच निर्णय घेणार असल्याचे आश्वस्त केले आहे.

यावेळी मागणीची दखल घेत प्रेक्षक गॅलरीतील आमदारांची व्यवस्था फ्लोरवर केल्याबद्दल आमदार किशोर जोरगेवार यांनी सभागृह अध्यक्षांचे आभार मानले.